"Na lista de 49 pontenciais imputados da Operación Patos chama
atención a presencia de dous construtores en relación coa Deputación de
Pontevedra. Trátase de Jesús Fontan Piñeiro, de Covsa, e Mauricio
Rodríguez Osorio, de Construccións E.C. Casas. Dúas empresas que foron
invitadas a concursos que acabou gañando a construtora da familia do
chófer do presidente.
A Policía cre que as compañías citadas no sumario da Operación Pators
pactaban prezos para repartirse as contratas. O presunto modus operandi
era o seguinte: unha administración tiraba de procedemento negociado sen
publicidade para adxudicar unha obra.
Trátase dunha vía legal que
permite non sacar as obras de menos de 50.000 euros a concurso, senón
pedirlle prezo únicamente a tres compañías. As empresas invitadas pola
Deputación serían escollidas en función do criterio do presunto líder da
trama, Enrique Alonso Pais, de Construcciones Eiriña.
Os construtores
invitados a participar serían case sempre os mesmos, podendo pactar
entre eles o reparto dos traballos públicos.
Ademais de nas adxudicacións da Operación Patos, Covsa e Construccións
E.C. Casas foron invitadas a outros dous contratos negociados sen
publicidade, contratos que gañando unha empresa da familia do chófer de
Rafael Louzán, ex-presidente da Deputacion de Pontevedra.
Construcciones Transportes y Aglomerados de Galicia COTRARGA, empresa
de obras na que Jesús Pombo Varela foi administrador único (agora figura
Patrica Pombo Varela). Os Pombo Varela sons curmans de Marcos Galiñanes
Varela, quen foi chófer de Louzán até que entrou como funcionario na
Deputación.
En 2011 Cotrarga gaña 91.000 euros pola obra "reposición e acondicionamento dos firmes nos lugares de Apedrado, Pumadartán e Longas (Moraña)".
A Deputación resolveu este contrato a dedo, mediante o procedemento
negociado sen publicidade.
Ademais da compañía da familia do chofer, a
Deputación pediulle precio a Construccions Obras e Viais SA (COVSA) e
Construccines E. C. Casas, dúas empresas que tamén gañan habitualmente
contratas da Deputación e cuxos directivos están agora a piques de seren
imputados na Operaicón Patos.
En 2012 Cotrarga faise con máis de 227.000 euros pola obra "mellora e ampliación da Estrada Provincial 9305 Coirón-Ribadumia-Leiro".
Rafael Louzán tamén resolveu este contrato a dedo, mediante o
procedemento negociado sen publicidade. De novo só se lle pediu prezo a
Cotrarga, Construccions Obras e Viais SA (COVSA) e Construccoines E. C.
Casas.
En relación coa Deputación de Pontevedra, a fiscalía pide a imputación
dos empresarios de Covsa e E.C. Casas e das costructoras Canalizacións y
Construcciones Salnés (Diego González Fernández), Manuel Fernández
Valdés (Construcciones Crespo), Angel Pintos Vila (Sercoes Obra Civil) e
Juan Manuel Carro Pelllejero (Caldevergazo).
No sumario a Polícia ve comprobado as "influencias" de Eiriña -a
construtora de Alonso Pais presunto cerebro da trama- sobre
"funcionarios e o daquela presidente para lograr as obras"· Por iso
imputa a Louzán, ao vicepresidente José Manuel Figueroa, ao xefe de
Servizos Técnicos Manuel Ángel Juanatey, ao xefe de gabinete Luis
Serantes e ao responsábel da delegación en Vigo Julio Manuel Vázquez.
As obras que están baixo sospeita da Deputación son unha ponte na
Estrada, os campos de fútbol de Moraña, Coia e Coruño, o abestecemento
de Nigrán, Olveira e Poio, as áreas de descanso de Chans e Bembrove e a
reforma do centro social Pena Moura." (Manuel Vilas | Pontevedra | Galicia Confidencial, 22/09/2015)
No hay comentarios:
Publicar un comentario