"Un emprendedor galego, Borja García, baseado na cidade de Vigo, acaba
de crear losredactores.com. Trátase do primeiro portal deseñado en
Galicia especializado na compra e venda de artigos e contidos para
páxinas web.
O rexistro por parte do redactor web
que ofrece os contidos é totalmente gratuíto e efectuase de xeito moi
rápido. Unha vez rexistrado, os usuarios poden fixar un prezo por cada
un dos seus escritos, que se clasificará dentro dunha das máis de vinte
categorías. A partir deste intre, é cando entra en funcionamento a
ferramenta tecnolóxica. "Nós ocupámonos de bucarlle compradores",
explican os promotores do portal vigués.
Dende o punto de vista das empresas ou publicacións, o sitio web, que
forma parte do grupo de portais galegos Donwebmaster, resulta
especialmente interesante para quen necesite de bos contidos rápida e
puntualmente.
Publicar artigos que interesen a audiencia regularmente é
un requerimento imprescindíbel para posicionar nos primeiros lugares
as webs en buscadores como Google ou para gañar seareiros a través de
perfís en redes sociais como Facebook. Por exemplo, a necesidade de
actualizar para estar ben poscionado é o motivo que leva a moitas tendas
en liñas a manter un blog de seu.
Unha das vantaxes desta nova ferramenta dixital é a súa rapidez. En losredactores.com resulta posíbel mercar artigos a través de Paypal e
adquirilos de xeito inmediato, despois de recargar o noso saldo de
cliente.
Antes de mercalos, pódese consultar o título da peza, o ton do artigo e
o número de palabras. Realizada a selección do artigo, a súa compra é
instantánea, debido a que as pezas ofertadas están xa redactadas.
Ademais, existen multitude de categorías dispoñíbeis nas que escoller;
dende contidos de viaxes até trucos de beleza ou artigos sobre
comunicación, cociña, animais ou ciencia, entre moitos outros." (Galicia Confidencial, 30/09/2015)
No hay comentarios:
Publicar un comentario