21/11/16

A UE multa a España polo mal saneamento en Vigo, Ribeira e Santiago e outras 14 cidades... pondo en "risco" a saúde de 1,4 millóns de persoas

"O Estado español terá que facer fronte a unha multa de 46,5 millóns de euros polas grandes deficiencias atopadas polos inspectores europeos en Vigo, Ribeira e Santiago, así coma noutras 14 cidades.

De feito, a Comisión Europea anunciou que levará a España ante o Tribunal de Xustiza da Unión Europea por incumprir as normas en materia de recollida e tratamento de augas residuais nestes concellos. 

Amparándose nunha sentenza anterior que obriga ao cumprimento de recollida por supór "riscos significativos para a saúde humana", pedirá que se lle impoña unha elevada multa.

Non é a primeira vez que o Goberno español ten que facer fronte a este tipo de sancións, especialmente, polas deficiencias en depuración de augas residuais, como aconteceu en varias ocasións coa situación de algunhas depuradoras en Vigo e a rexeneración do río Lagares.

De feito, Bruxelas xa levou a España ante o tribunal por este motivo e, en 2011, a sentenza fallou en contra das autoridades españolas e apuntou deficiencias en 37 puntos urbanos a pesar de que o prazo para aplicar a normativa terminara no ano 2000. Cinco anos despois, 17 cidades de Galicia, Andalucía, Asturias, Valencia e Canarias seguen sen cumprir as normas, pondo en "risco" a saúde de 1,4 millóns de persoas."              (Galicia Confidencial, 18/11/16)

No hay comentarios: