Os turistas de entón
O paseo na rúa do Vilar
Os universitarios da USC do 35
"Francisco Vázquez Díaz, Compostela, naceu en Santiago de Compostela alá por 1898 e foi escultor. Posiblemente fora tamén un moderno (moderno ao estilo de agora) porque se deu a coñecer cunha acción de guerrilla artística nos anos 20, como contan na Wikipedia,
cando para protestar por non ter onde expoñer a súa obra decidiu facer
unha exhibición nas escaleiras do Congreso dos Deputados e plantou as
súas obras ao carón dos famosos leóns.
Nos anos 30 xa tiña onde expoñer e
xa tiña un certo renome e durante a Guerra Civil foi escultor oficial
do Quinto Rexemento. Trala guerra pasou polos campos de concentración
franceses e acabou no exilio, onde morrería.
Limpando as rúas
Baile no Casino
Compostela fixo tamén, a parte das súas esculturas, ilustracións sobre a
vida cotiá na cidade á que lle ‘roubou’ o nome. Hai xa máis de dez anos
esas ilustracións protagonizaron unha exposición no Museo das Peregrinacións e agora forman parte da moi interesante exposición que na Fundación Granell,
tamén en Santiago, lle dedican á vida na cidade no momento no que
estoupou a Guerra Civil.
A exposición é moi recomendable. É pequena (en
tamaño) pero axuda a ver moitas cousas sobre unha Compostela que se
estaba preparando para as festas e que estaba en pleno momento de
emoción polo estatuto (o do estatuto, claramente, quedou apagado por
completo, pero non as festas: seguiron adiante a pesar da guerra). Nunha
das vitrinas están as ilustracións de Compostela sobre a propia
Compostela.
Día de visita no Hospital
Colexio da Enseñanza
Casino de Santiago
Excursión escolar na Ferradura
Pobres nas Platerías
As ilustracións teñen un aire riquiño, un pouco ao estilo de Miroslav Sasek, e foron un regalo do autor a un médico santiagués. Agora funcionan como unha especie de elemento conxelado no tempo para ver como era a vida na cidade nos anos da República
e para ver unha completa variedade de detalles (o mellor dos debuxos é
fixarse en todos os pequenos detalles). Todas as imaxes son de 1935 e
dos primeiros meses de 1936" (Disquecool, 14/07/16)
No hay comentarios:
Publicar un comentario