"UGT denuncia que a concesionaria dun centro do Concello de Santiago
recorta a merenda para "aumentar beneficios". O sindicato refírese as
garderías dos barrios de Conxo e Fontiñas en Santiago.
A empresa Clece gañou o concurso para xestionalas despois de que o
Concello extinguira o contrato cunha empresa do grupo Vendex, o centro
da presunta corrupción da Operación Campeón. Inmediatamente os pais
comezaron a alertar dos recortes.
O municipio alega que xa comunicou en varias ocasións a Clece que
cómpre cumplir as condicións da oferta seleccionada. Con todo, a
concelleira María Castelao non abriu un expediente para arrebatarlle a
xestión, como demandan oposición e sindicatos.
"FETE UGT non pode consentir que, dun prato (tortilla de espinacas con
arroz), esta empresa faga un primeiro (arroz con tomate) e un
segundo(tortilla de espinacas)", denuncia agora este sindicato. Segundo a
central, a concesionaria pasou dunha merenda na que constaba de pan
con queixo e froita a outra onde só se lles dá froita aos nenos e nenas
de 1 e 2 anos das escolas xestionadas por Clece.
A empresa pola de agora non respondeu a estas acusacións de primar os
beneficios sobre a alimentación dos cativos. UGT argumenta que non é
admisible que Clece levase a máxima puntuación posíbel polos menús no
concurso da adxudicación e agora recorte os alimentos." (Galicia Confidencial, 08/11/2013)
No hay comentarios:
Publicar un comentario