Mapa dos permisos de investigación mineira Isabela II en vermello e Livia en azul
| Fonte:
Salvemos Cabana
"ContraMINAción inicia unha nova campaña contra o proxecto mineiro Isabela II,
do Grupo M-FM 2001 SL. Un proxecto que afecta aos concellos de Zas,
Santa Comba, Vimianzo e Coristanco e que é cinco veces máis grande que o
de Corcoesto.
Integrantes desta plataforma achegaronse a Zas este domingo para
acompañar a representantes da federación de nove asociacións veciñais
Pico da Meda na presentación de 307 alegacións e 1.187 sinaturas contra
estes proxectos.
Precisamente, e tal e como aconteceu con Corcoesto, o principal problema dos veciños son as grandes dificultades que enfrontan á hora de elaborar as alegacións,
pola falta de información completa e as dificultades de acceso aos
expedientes, ademais de polo breve prazo dispoñíbel.
"Tras informarse,
moitos veciños xa están a organizarse para rexeitar rotundamente a
introdución dunha actividade contaminante de estas características",
apunta esta entidade.
As consecuencias potenciais negativas deste novo megaproxecto mineiro
para a área afectada son moitas, segundo esta entidade. Así, denuncia
que unha mina de ouro a ceo aberto implica o uso de cianuro,
"un veleno moi contaminante e mortal", así como maquinaria pesada,
recursos públicos, camiños e estradas, electricidade, e supón a
introdución dunha actividade industrial moi agresiva nunha zona agrícola
e gandeira -entre 1.500 e 2.000 explotacións de vacún afectadas-, con
actividade de caza e pesca, apicultura e outras propias das zonas
rurais.
As alegacións presentadas ao proxecto Isabela II refírense entre outras moitas cuestións a falta de planos de situación dos labores;
a falta dun estudo xeolóxico e estudos de impacto ambiental; a
indeterminación da afectación aos bens arqueolóxicos, paisaxísticos e
etnográficos; a inviabilidade de un aproveitamento racional de recursos e
o incumprimento de diferentes leis e normas.
"Desgraciadamente, o caso non e único. As minas proliferan en toda Galicia. Por este motivo, xurdiu a Rede contra a Minaría Destrutiva na Galiza ContraMINAcción, que agrupa a 22 colectivos e está permanentemente mobilizada en torno a esta temática", conclúe." (Galicia Confidencial, 22/02/16)
No hay comentarios:
Publicar un comentario