"(...) Los contratos a empresas privadas por los que Lozoya asegura recibió
presión del expresidente Peña Nieto para otorgarlos suman unos 850
millones de dólares y tienen que ver con plataformas de perforación, la
adquisición de Fertinal y los astilleros en España.
Precisamente por contactos relacionados con este último negocio fue
como Lozoya logró establecerse en España. El exdirector de Pemex forjó
vínculos y negocios con el político Alberto Núñez Feijóo, presidente de la Junta de Galicia, y la empresaria Mar Sánchez Sierra,
tras la compra de un astillero a sobreprecio y mediante presuntos actos
de corrupción. Ellos protegían a Lozoya en la Costa del Sol española, a
donde llegó a finales del año pasado tras una estancia en Rusia. (...)" (Mario Maldonado, El Universal, 17/02/20)
"A detención en Marbella e posterior entrada en prisión de Emilio Lozoya,
ex director xeral da petroleira Pemex, sitúa o nome do presidente en
funcións da Xunta e candidato do PPdeG o 5 de abril, Núñez Feixoo, en
boca de boa parte da prensa mexicana.
“O caso Lozoya complica o
presidente da Galiza”, resume a situación La Política Online.
Fronte ao silencio das principais cabeceiras mediáticas na Galiza, en
México o tema de Pemex e Barreras ocupa novas, reportaxes e mesmo
artigos e de opinión e análises. En El Universal, o xornalista especializado en economía e finanzas, Mario Maldonado escribe que o responsábel de Pemex agora detido “forxou vínculos e negocios” con Núñez Feixoo, citando tamén Mar Sánchez Sierra, secretaria xeral de Medios desde 2009 e unha das asesoras política de total confianza do presidente da Xunta.
Ao tempo que a treboada mediática en México sobre Pemex salpica o
Goberno de Feixoo, Executivo e Fiscalía do país azteca continúan a
centrase na investigación dos negocios da petroleira na Galiza e
posíbeis consecuencias penais.
Sete anos despois da compra de Barreras por Pemex con todas as benzóns da Xunta de Feixoo,
a operación está a ser investigada polo Goberno de México, que pretende
levala perante a Fiscalía Xeral da República (FGR, nas súas siglas en
español).
Baixo sospeita
México confirmou que investiga o ex dirixente de Pemex, entre outros
casos, pola entrada da petroleira na firma viguesa Hijos de Barreras no
ano 2013 por 5,1 millóns de euros. O presidente mexicano chegou a
sinalar ao respecto que aqueles contratos "non ofrecían un trato xusto"
para a compañía azteca. Porén, a operación "vendeuse" na Galiza como un
éxito derivado das negociacións desenvolvidas polo Goberno de Feixoo.
Ese ano e o seguinte, o presidente galego chegou a manter dous encontros
con Lozoya na capital mexicana para "reforzar a alianza estratéxica"
Segundo recollen distintos medios mexicanos, a Unidade de
Intelixencia Financeira (UIF) ten en curso unha investigación sobre
aquela compra e ten previsto levar o caso perante a Fiscalía Xeral da
República Mexicana, baixo a tese de que a adquisición de Barreras
reportou perdas de 50 millóns de euros a Pemex. Onte, após o Consello da
Xunta, Feixoo negou a Nós Diario que existise, "polas informacións que
coñece", tal investigación.
A información íntegra pode ser consultada na edición en papel de Nós Diario, á venda nos quioscos, ou na súa lectura na nube." (Nós, 19/02/20)
No hay comentarios:
Publicar un comentario