A muller e a cuñada do xefe do Diario Oficial, asalariadas da Voz na contrata do propio DOG

"O Xefe de Servizo do Diario Oficial de Galicia foi quen fixo o informe para a millonaria adxudicación da asistencia técnica a La Voz de Galicia durante o bipartito.

La Voz contrata dúas familiares do funcionario clave para a adxudicación

O alto funcionario foi quen en 2007, co bipartito, redactou o informe que permitiu a La Voz gañar o concurso da Xunta para editar o DOG. Así se pode comprobar no documento de adxudicación que publica Galicia Confidencial.

En definitiva, o mesmo funcionario que xogou un papel fundamental para a adxudicación da asistencia técnica ten traballando nesa contrata, grazas á empresa que gañou o concurso, a dúas familiares en primeiro grao." (Galiciaconfidencial, O Irixo | 20/09/2010)