Os veciños apagan o incendio "crítico" de Moaña por falta de medios

 "Un incendio declarado esta tarde de luns no municipio de Moaña ameaza casas na parroquia de Meira. A Consellería de Medio Rural informa de que o lume obrigou a cortar a autovía do Morrazo (CG 4.1) entre os quilómetros 5 e 6.

Ás 17,00 horas, a alcaldesa de Moaña, Leticia Santos, explicou a Europa Press que se vivía unha situación crítica, "cos veciños apagando o lume desde terra" porque "aínda non chegaron os medios". Asegura que non houbo desaloxos porque os habitantes traballan na zona.

No entanto, a esa hora non se decretou a Situación 2, alerta por proximidade a vivendas, por parte da Xunta. Segundo informa a Consellería de Medio Rural a Europa Press, o lume de Moaña iniciouse ás 15,54 horas na parroquia de Meira. Indica que traballan tres avións, tres motobombas, seis brigadas e dous axentes.

A columna de fume que provocou este incendio é visible desde diferentes municipios a varios quilómetros á redonda na tarde deste luns."                 (Galicia Confidencial, 22/06/22)