"O conselleiro de Sanidade, Julio García Comesaña, recoñeceu este venres que Galicia recibiu e administrou vacinas do lote de AstraZeneca baixo sospeita en distintos países europeos, aínda
que certificou que, seguindo as recomendacións dos organismos oficiais,
non se suspenderá nin se inmobilizará esta vacina e buscarase aos
galegos que a recibiron "por telos localizados", aínda que en principio non está previsto un seguimento específico.
A preguntas dos medios na rolda de prensa sobre a reunión do subcomité clínico, García Comesaña explicou que Sanidade ten "toda a información" sobre este lote e está "a revisar" todas
as doses, aínda que lembrou que tanto a Axencia Española do Medicamento
como a súa homóloga europea "non recomendaron inmobilizar este lote nin
suspender a vacinación" con AstraZeneca, medidas que tomaron varios
países europeos e que avanzou Andalucía.
"De momento seguimos adiante, seguindo as recomendacións oficiais",
dixo o conselleiro, que certificou que Galicia "recibiu ese lote" e
nestes momentos está "a acoutar quen o recibiu". "De momento non
imos facer nada diferente ao que a Axencia Española do Medicamento e a
Axencia Europea do Medicamento recomendan", engadiu.
En canto aos galegos que recibiron doses deste lote, García Comesaña
non precisou a cifra, aínda que garantiu que se comprobará quen son "por
telos localizados", xa que "non hai ningunha instrución de seguimento específico nin inmovilización destas doses".
De face a este sábado, cando está prevista a vacinación de 19.000
persoas entre 55 e 50 anos con AstraZeneca, o conselleiro dixo que cre
que entre as doses non se atopan as de lote afectado. "Creo que as que
están para pór non se corresponden con ese lote", resolveu." (Galicia Confidencial, 12/03/21)
'Galicia es una tierra increíble, condenada a desaparecer' (Juan Tallón)... La herencia de Fraga...
18/3/21
Galicia intentará localizar ás persoas que recibiron o lote da vacina de Astrazeneca afectado
Suscribirse a:
Enviar comentarios (Atom)
No hay comentarios:
Publicar un comentario